Stampe di a ghjurnata di mubilisazione

Paese Bascu in Bayonne, 10 à 12.000 personi, Brittagna frà altru in Guingamp o Quimper, quasi 15.000, millaie torna in Alsazia, Catalogna, Occitanìa, paese fiamengu, è ben intesa in Corsica, tutti anu rispostu à a chjama di u cullettivu Da ch’elle càmpinu e nostre lingue. Una mubilisazione chì hà cunduttu u presidente di a Repùblica à circà di cuntradisce l’attache contr’à e lingue regiunale urchestrate da u so ministru di l’Educazione Naziunale, Jean Michel Blanquer. Ma per rivene nant’à a decisione di u Cunsigliu Custituziunale, ci tocca à scambià a Custituzione ! Micca disciulà cum’ellu a face Emmanuel Macron. Atti è micca prumesse, eccu ciò ch’ellu dumanda u Cullettivu ! 15.000 zitelli sò cuncernati è centinaie d’insignanti è prufessori. S’elle si piàntinu sse scole da u mancu di mezu è u ricusu di cuntratualisazione, u sistema pùblicu ùn puderà mancu accòglieli, ghjè dì quant’ella hè irrispunsèvule ssa decisione di u Cunsigliu Custituziunale ! A mubilisazione cuntinueghja.

[huge_it_slider id= »8″]