Vulpina, Asinus, Lionis è a Capra, avìanu furmatu una socetà à rispunsabilità limitata.
Tuttu sarìa in cumunu, unu cun tutti, tutti cun unu.
Faccende è magnùscula à spartizione eguale, ognunu dava a soia. Frutti, arbasgi, ligumi o carne animale.
Vulpina ch’avìa postu una tràppula geniale, annunciò un ghjornu à l’assuciati a presa d’un cignale.
Lione in la grotta liunesca l’hà carriatu in quattru parte belle eguale, l’hà spizzatu.
Amichi assuciati què hè a meia, pà una raghjone, ch’è mi chjamu lione.
A siconda vene à mè, postu ch’è socu u rè.
A terza dinò parchì fin’à la morte, sò eiu u più forte.
È a quarta, a vi pigliu i me cugini. Parchì si unu di voi a tocca, u facciu à tagliarini.
Muralità
U piccatone di u lione
In issa stòria di spartizione
Hè chì hà fattu quattru parte eguale, u bruttu,
Sapendu à l’avanzu ch’ellu s’avìa da magnà tuttu. •
