28 anni quist’annu ch’ella s’hè sfundata a funesta tribuna in Furiani. Èramu u 5 di maghju 1992 pè u scontru di meza finale di a Cuppa di Francia contr’à Marseglia. 28 anni di dolu è di cumbattu, per fà ricunnosce a dimensione naziunale di ssu drama, è scrive pè u sempre u ricordu di e 18 vìttime è i 2357 feriti di ssa catastrofa.
Ci hè vulsutu aspettà u 13 di ferraghju 2020 da ch’ella fussi aduprata, à a dumanda di u deputatu corsu Michè Castellani è u so gruppu Libertés et Territoires, una lege chì face chì, mai più, u 5 di maghju serà un ghjornu di festa pè u ghjocu à pallò, ma piuttostu un mumentu di ricordu è di riflessione nant’à ciò ch’ellu pò pruduce u sport in generale, di gioia è d’emuzione, ma dinù, per disgrazia, di bestialità è di suffrenze.
Ugnunu, senza accolta quist’annu, puderà pensà à quellu evenimentu è arricògliesi à a so manera.
Solu appuntamentu per esse in cumunione inseme, a messa quist’annu chì serà data à 9 ore in diretta nant’à Facebook, da u prete Georges Nicoli. Eccu u cumunicatu di u Cullettivu ch’Arritti saluta cù fratellanza, è à traversu ellu, l’inseme di e vìttime di ssu drama tremendu di a nostra stòria.
«La crise sanitaire actuelle empêche les cérémonies habituelles de commémoration de se tenir (rassemblement à la stèle, journée d’études et plateaux de football).
Souhaitant pouvoir rendre hommage aux victimes de la catastrophe de Furiani, une messe sera donnée le mardi 5 mai 2020 à 9h par le prêtre Georges Nicoli à la Paroisse Notre Dame de Lourdes.
Cette messe sera filmée en direct et diffusée sur la Page Facebook du Collectif :
https://www.facebook.com/collectifdesvictimesdefuriani/
Per Elli, Ùn ci ne scurderemu mai. »
