Nustalgìa d’un tempu, belli ricordi, ma dinù tristezza d’un tempu ch’ùn ci hè più, ssa bella canzone di u gruppu I Mantini. Nustalgìa n’avemu tutti in core, sopratuttu d’istatina quand’omu ritrova u paese. Dèmmuci forza da rinvivisce ssi paesi è cù elli tanti valori.
Quandu pensu à l’Antuninu
C’hè di chè tant’anni fà
Rivecu ancu u mulinu
Quallà sopra la cità
L’ochji persi ind’è e stelle
Mi mettìa à sunnià
À quella bella zitella
C’eu vulìa marità
C’eu vulìa marità
Vechji ricordi di u tempu fà
Di a ghjuventù chì si ne và
Mi scappa u pientu à ripensà
À stu passatu, mortu avà
Scola l’acqua di a funtana
Sentu i vechji chjachjerà
Nant’à u scalone di a casa
Mi sò messu à pusà
Quandu u sole in muntagna
Cumincia à calà
Tandu si alzà u ventu
Cum’un soffiu di libertà
Cum’un soffiu di libertà
Ripigliu
Antuninu è u so mulinu
Dòrmenu per l’eternità
È quella bella zitellina
Si n’hè andata da mar’in dà
L’acqua chjara di a funtana
Hà finitu di sculà
È straquatu nant’à u scalone
Di una casa abbandunata
U ventu mi vene à parlà.
Ripigliu •
