Settimanale naziunalistu corsu dapoi 1966

N°2959

da u 19 à u 25 di nuvembre di u 2026

Accapu di a reddazzione

Svegliu

images

le 18/11/2026

Par Fabiana Giovannini


Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu trè anni fà. Un sìntimu ci empie u core, à tempu di mancu, à tempu di ricuniscenza, à tempu u duvere di cuntinuà ssu caminu tracciatu. Ss’anniversariu hè dunque prima di tuttu quellu di Màssimu Simeoni è umagiu li serà resu in gràzia à Pierre Dottelonde ch’hà rializatu u filmu documentàriu nant’à u s’impegnu d’una vita à u serviziu di a Corsica. Ss’anniversariu hè dinù sta sèguita chì Massimu bramava ancu ellu. Da u più luntanu di i mo ricordi, mi vene à mente u so penseru di tramandà à e generazioni nove u duvere di cuntinuà ssa strada aperta à u XVIIIu. Un pòpulu, una storia, una lingua, un avvene. Hè cusì ch’ellu hè ghjuntu à truvami à l’uccasione di i Scontri culturali è internaziunali di Corti chì l’UPC avia messu in ballu in u 1988 per adunisce tutte e forme di a cultura corsa. Teatru, sinemà, literatura, cantu ben intesa dinù, da chì u mondu culturale possi scambià è sparghje ogni annu in un evenimentu maiò da urganizà inseme. E ghjurnate d’Arritti in u stessu mumentu sò nate di ss’edea custì. In u frà tempu Màssimu ci avia rimarcatu, noi, i giòvani impegnati à ssi Scontri, hè ghjuntu à parlacci di a storia, di l’impegnu, di l’avvene. È ci simu impegnati…

Ind’è l’ùltim’annate di a so vita, era sempre una di e so priurità, mette in ballu scontri cù i giòvani. A malatia ùn li hà lasciatu a forza ma si rallegrava di vèdeli ingagiassi. Anu u bisognu di ste generazioni più anziane per cuntali a storia, è e pìccule storie ind’è a storia grande chì fàcenu anch’elle l’avvanzate di a lotta d’un pòpulu. Sarebbe statu cuntentu, Màssimu, di vèdeli oghje ssi giòvani in giru à a so òpera !

Ss’anniversariu si scrive dinù ind’un cuntestu stòricu : mai l’autunumia ùn hè stata cusì pronta à esse accettata in Francia. Avemu apertu un inzecca maiò da ssi 60 anni di lotta, di brame è di sacrifizii di tutte e parte di u naziunalìsimu corsu. L’autunumisti ben intesa ch’avìanu inditatu trà Màssimu è Edimondu è tutti quelli di a so generazione, a strada bona. Ma dinù l’altri naziunalisti è indipendentisti ch’anu scrittu anch’elli à a so manera a storia. Ancu s’omu pò disciulà nant’à i passi o i passucci, avvanzemu quantunque, è ghjè u più bellu umagiu chè no pudemu rende à tutti ssi pionieri di a lotta naziunale. Anu svegliatu a cuscenza d’un pòpulu. E generazioni chì l’anu seguitati anu riesciuti à sparghje l’edea autunumista sin’à impone u dibàttitu à e più alte stituzioni statale. Quelle d’oghje è di dumane inseme a strapperanu infine, è li toccherà à custruìscela.

Eccu ciò ch’ellu hè Arritti. Cum’una corsa di fondu induve ogni generazione militante si passa u testimognu da chì i giòvani pòssinu piglià a sèguita di l’anziani. Arritti hà partecipatu à scrive a cuntinuità d’un pòpulu in u so spàziu di vita, a so terra, u so circondu mediterràniu, a so piazza in Auropa… Cosa hè un pòpulu s’ellu ùn hè una cumunità di storia, di lingua, di cultura, chì s’adunisce per inventassi un avvene, appruntassi lindumani di prugressi è di benestà ? Ch’elli sìanu ringraziati tutti quelli è quelle ch’anu partecipatu à st’òpera di custruzzione d’una pensata cumuna.

Arritti hà tracciatu u so solcu, trà demucrazia è autunumia. Hè statu arnese pè u svegliu di e cuscenze. È oghje hè arnese per custruisce a sèguita, infurmendu, furmendu, sensibilizendu, strutturendu. Cù voi amichi lettori tuttu hè pussìbule.
Aiò, Arritti ! •

aue-rect
Pietra Medium Rectangle-1
Mattei Medium Rectangle
pm-rect

Sustenite

A voce di l'autunumia dipoi sissant'anni

Abbunatevi

Arritti ùn pò campà senza voi !

Soleco billboard-medium-arritti
ottavi
lmaiacciu
fratelliangeli
casart

Annonces
légales

Publicate i vostri annunzi ind'è Arritti : susteniteci !

Accapu

Arritti

le 11/11/2026

I 10 anni, i 20 anni, i 30 anni, i 40 anni, i 50 anni… ed eccu i 60 anni…

Accapu di a reddazzione

le 04/11/2026

Ùn ci hè guerre senza atrocità. Ùn pòrtanu chè sangue è suffrenze sparghjendu malamorte. Ma l’omu pò circà di mustrassi…

Accapu di a reddazzione

le 30/09/2026

Ci hè statu u mondu. Ci hè statu u fervore. Ci hè statu a gioia. Pò ci sò stati i…

Da leghje dinù

images

Accapu di a reddazzione

le 18/11/2026

Digià 60 anni ! Hè u primu anniversariu d’Arritti chè no festighjeremu senza u so fundatore, partitu à l’altru mondu…

Attualità : 12/11 - 18/11

le 11/11/2026

Ukraine

21 di nuvembre in Biguglia

le 04/11/2026

60 anni

Recevez
notre Newsletter

Ricevite l’attualità è i cartulari di a nostra redazzione, per e-mail, una volta à a settimana.

Ricerca