«Comme numéro de faux-cul parlementaire, il est difficile de trouver mieux »

A Piazzetta

È à a fine, hè a diritta chì vince! U Senatu hà plasticatu a cullettività ùnica.

Pensàvate ch’ella era fatta ? Fidighjate bè u ritrattu nant’à u nostru situ di i quattru presidenti inseme. Era di nuvembre scorsu, è hè collector ! Ma si passa sempre qualcosa à u Senatu. Un fronte di u nò (Les Républicains, i cummunisti è i centristi) hà plasticatu u prugettu di a cullettività ùnica.

Per vede i detagli di u votu, truverete u leame nant’à u nostru situ.

Bon ci vole à dì ch’ellu si sentia vene u colpu. Jean-Michel Baylet a dicìa à Corse-Matin qualchì ghjornu fà : «Un certain nombre de parlementaires de droite mettent, en effet, beaucoup d’énergie en ce moment pour s’opposer à la ratification de ces ordonnances. Je m’en étonne d’autant plus que les dispositions créant la collectivité unique et donnant au gouvernement le droit de légiférer par ordonnances ont été votées par l’ensemble des groupes politiques du Sénat, toutes tendances confondues, le 29 mai 2015. »

Di colpu, u ministru era piuttostu in zerga è si n’hè pigliatu à Camille de Rocca Serra è Jean-Jacques Panunzi : «Comme numéro de faux-cul parlementaires, il est difficile de trouver mieux ! »

Per una volta, ci sò stati di più tweets nant’à u votu di u senatu ch’è per una partita di u Sporting ! (vede u nostru situ).

A partita ritornu si ghjucherà u 9 di ferraghju à l’assemblea naziunale. In tantu, a diritta corsa chì tuttu u mondu dicìa à paghjolu, pò festighjà.

NDLR: Hè tempu di falla finita cù ss’istituzione anticogna è guizza ch’hè u Senatu !