A razzia di u velodromu d’Inguernu, i 16 è 17 di lugliu di u 1942, hè a più maiò arristazioni d’Ebrei in Francia duranti a Siconda Guerra mundiale. U Guvernu francesu di Vichy, incù i so pulizzeri, giandarmi è l’aiutu di militanti di u PPF (Partitu Pupulare Francese) di Doriot – a milizia ùn c’era ancora di lugliu di u 1942 –, agguantaranu più di 13 000 parsoni (unu nant’à trè era un zitellu) è manc’una cintinaia sarà sopravviventi à a fine di a Guerra. Nant’à 78 000 dipurtati da Francia, solu circa 3000 anu da vultà, ma i trè quarti di a cumunità ghjudea in Francia sarà salva, a prupurzioni a più alta d’Auropa.
Sè no’ morimu
A razzia di u Velodromu d’Inguernu
Canzona di Jean FERRAT, « Sè no’morimu »
Lettera di Ethel ROSENBERG à i so zitelli
Amparareti un ghjornu
i me figlioli amparareti
Parchì ripusemu sottu tarra
U libru lettu à mità u cantu intarruttu
È a faccenda micca compia.
Ùn piengniti più i me figlioli
ùn piengniti più
U mondu sanu hà da sapè
u chì di a bucia
È di a calunnìa u mondu intrevu saparà
I nostri pienti è a nostra pena.
Alegru è verdu i me figlioli
i me figlioli alegru è verdu
Sarà u mondu di sopra
i nostri fossi
I scumpienti pianteranu a tarra fiurìscerà
Ind’è a paci fraterna.
Lavureti, custruiti i me figlioli
un munimentu
Pà l’amori, a gioia u valori umanu
È à a fedi ch’avemu tinuta
Par voi i me figlioli, i me figlioli
par voi.
Traduzzioni Petru D’Orazio