Anu corsu torna quist’annu l’innamurati di a nostra lingua, à a chjama di u Cullettivu Parlemu Corsu ! Numarosi partecipanti, frà i quali numarosi eletti, hè un bellu incuragime pè a sèguita di st’iniziativa lanciata annu da Micheli Leccia è u s’associu.
Sta volta, a corsa hè partuta da Aleria sin’à in Bonifaziu, sìa 101 chilòmetru (annu era partita da Borgu sin’à Ghisunaccia, sìa 90 chilòmetri).
Ramentemu u scopu : invità associi, sindicati, imprese, scole, eletti, citatini, à corre pè a lingua corsa, cumprèndusi un chilòmetru è trasmettèndusi un testimoniu. Ogni chilòmetru costa 100 auri. I soldi racolti ghjòvenu à aiutà una azzione o un òpera à prò di a lingua corsa.
Eccu una manifestazione festiva è chjamata à cresce d’un annu à l’altru. Site già invitati à corre pè a Currilingua 2023 ! Evviva a lingua corsa ! •
