L’Unione spurtiva di i club curtinesi di ghjocu à pallò s’hè qualificatu pè e trentaduièsime finale di a Cuppa di Francia ! Hè un evenimentu stòricu pè a cità è stu club ch’hà festighjatu i so cent’anni in 2008 (fundatu in u 1908) !
Hè statu oppostu à i Diàvuli neri di Combani, una squadra maorese. L’USCC hà vintu 2 à 0. Ci hè ghjuntu quasi à a fin’di u scontru, à l’84a minuta, in grazia à Samba Tamboura po Christopher Boussemart. Malgratu freddu è ventera, u stadiu Santos Manfredi era pienu
Stu bellu parcorsu s’aghjusta à a stòria ricca di l’USCC. Amentemu chì u club hà cunnisciutu grandi ghjucatori è educatori cum’è l’internaziunali Dumènicu Colonna è Edmond Delfour.
Hè a seconda volta ch’ellu ghjunghje sin’à e 32e finale di a Cuppa di Francia. A prima volta era in 2006. Un macciu persu 3 à 2 contr’à Rennes, un club di Lega 1.
L’USCC, presidatu da Ghjàcumu Francescu Colombani, hè un club di Naziunale 3, ghjunghje sin’à e 32e di finale di a Cuppa di Francia hè un evenimentu è sunnieghja di pudè riceve torna una Lega 1 !
Ind’è a stòria, l’USCC hè statu sette volte campione di Divisione d’Onore è hà vintu dinù sette volte a Cuppa di Corsica. Augurèmuli ventu in puppa ! Cunnoscerà u so avversariu u 2 di dicembre.
Aspettendu, l’altru club corsu qualificatu, u Sporting Club di Bastia, riceve
l’AS Nancy, club di Naziunale, sàbatu chì vene in Furiani.
Forza Corsica ! •
