Scopre hè una bella scumessa nata da a vuluntà di u so presidente Paulu Ceccaldi, 36 anni fà ! Fà nasce un spaziu di cultura è di scàmbiu suciale in core di u Sìa, in u paese di Marignana chì conta una centinaia d’abitanti, à 800 metri d’altitùdine (più di 1000 metri pè u paisolu di Revinda) era una sfida !
Ci vulìa à esse arrabiatu per ghjunghje à mette in ballu una dinàmica culturale è suciale à u senu di a pieve di Sevi in dentru, trà Spelunca è Liamone ! A ci l’anu fatta impegnèndusi cù sforzi cutidiani tamanti da fà campà sti scàmbii chì mantènenu a vita è e rilazioni umane.
Ogni annu, una prugrammazione ricca a permette à i paisani à l’ingiru è aldilà, venendu da tutta a Corsica, di sicuru u viculese, ma certi fàcenu ancu u viaghju da Bastia, Aiacciu, a Balagna, u curtinese per scialassi à u frescu di ssa bellìssima natura.
È a cultura si rinuvella sempre in core di u Sìa, 16 anni dopu à a so nàscita, Scopre hà festighjatu l’apertura d’una bellìssima sala di spetàculu, a sala Maistrale, di u cugnome di u famosu pueta Maistrale, Dumènicu Antone Versini natu in Marignana in u 1872. D’una capacità di quasi un centu piazze, a sala Maistrale accoglie dapoi tandu gruppi da tutte e mamme, di Corsica è d’altrò, cantu, mùsica, ballu, teatru, sinemà, cunferenze, dibàttiti, attelli, residenze d’artisti… sò decine di spetàculi ogni annu, una dinàmica è un cumbugliu culturale strasurdinariu offertu à tutti l’abitanti di u circondu. Scopre è a so sala di Spetàculu cuntribuìscenu di cusì bella manera à mantene a vita, u rispiru culturale è e rilazioni suciale in core di a muntagna corsa ! Hè u locu d’appuntamentu, d’incontru, di spartera, d’allegrìa di tutta a pieve è aldilà.
Quist’annu, Scopre si feliciteghja d’un partenariatu cù u FRAC, associu chì rege una cullezzione d’arte cuntempuràneu di parechje centinaie d’òpere, è chì racoglie, sparghje è prumove a creazione. Frà e quale òpere di sinemà. Ùn hè chè da vede a prugrammazione di Maghju 2024.
Dice u so presidente : « Assai belle cose sò state fatte, grande, chjuche, cunnisciute, ricunnisciute, scunisciute. L’idea hè di piazza u rughjone in u paisagiu culturale di a Corsica è in Auropa. Per prova, viaghji in Pologna, Suède, Parigi, Paese Bascu, Tulusa, centru di Francia, senza mai scurdassi i paesi à l’intornu, i paesi corsi. Ùn avemu mai piantatu di difende l’interiore è a cultura corsa. Hè u nostru ADN è ne simu fieri ! »
Chì bella suddisfazzione, chì bella sfida ! Felicitazioni à Scopre è à tutti quelli, urganizatori è artisti chì cuntribuìscenu à fallu campà !
Da ramentà chì l’attelli di lingua corsa si tènenu tutti i sàbatu da 10 à 11 ore (in più di u vènari in Sòccia è in Tiuccia) in grazia à Vannina Angelini è Martin Pasquali.
Ci hè dinù un attelu di scrittura cù Yahia Belaskri, u 9, 12, 13 è 14 di maghju da 10 ore à meziornu è mezu.
È si pò manghjà è beie tutti i ghjorni à u cafè suciale à cantu, scuntrendu l’artisti !
Forza à Scopre è à a so sala Maistrale ! Ch’elli càmpinu cent’anni ! •
Fabiana Giovannini.
Associu Scopre
Sèguita di a prugrammazione di maghju 2024
Dopu à Chasse Gardée, Chronique de Téhéran, Kung Fu Panda è Paddington, stu principiu di maghju, eccu a vostra prugrammazione di stu mese :
Cuncerti
- Sàbatu 11 di maghju, 9 ore è mezu. Battista Acquaviva.
- Dumènica 19 di maghju, 9 ore. Monsieur Barbara en plus grand cù Lionel Damei.
- Vènari u 24 di maghju, 9 ore. Missaghju.
Sinemà
- Dumènica 12 di maghju. 3 ore. Léo, la fabuleuse histoire de Léonard de Vinci. Fiure.
- Ghjovi 9 (6 ore) è Dumènica 12 di maghju (9 ore). Los Delincuentes. Filmu argentinu.
- Ghjovi 9 (9 ore) è Dumènica 12 di maghju (6 ore). Sidonie au Japon. Cumèdia.
- Vènari 17 (6 ore) è Sàbatu 18 (9 ore). Nous les Leroy. Cumèdia.
- Vènari 17 (9 ore) è Sàbatu 18 (6 ore). SOS Fantômes. Fantàsticu.
- Ghjovi 23 (6 ore) Sàbatu 25 (9 ore) è Dumènica 26 (3 ore). Borgo. Drama.
- Ghjovi 23 (9 ore) è Dumènica 26 (6 ore). Amal, un esprit libre. Drama.
- Sàbatu 25 (6 ore). Une famille. Documentariu
Dialogue « Ruralità è Cultura »
À noter également, avec Paul Ceccaldi et Christian Lazzeri, qu’un échange a eu lieu samedi 11 mai sur l’avenir de la culture dans nos villages.
« Au mois de septembre, nous avons eu l’idée de créer un espace de dialogue, d’inviter la population autour d’une discussion sur l’avenir de la culture en milieu rural, et cela une fois par mois » explique Paul Ceccaldi. « Nous avons sollicité sept personnes, venant de divers horizons, totalement différentes les unes des autres, qui sont venues animer ces dialogues, toutes intéressées par la culture et la ruralité. Organiser ce cycle en période hivernale et, dans un village de montagne, s’avère audacieux. Nous pouvons dire, sans fausse modestie, que 30 participants en moyenne est une réussite. Chacun est venu volontairement et a pris la parole spontanément. »
Les sept animateurs, Patrick Cerutti, Gilles J. Martin, Vannina Angelini, Sébastian Luciani, Jean-Michel Sorba, Fabien Danesi et Sampiero Sanguinetti, et le public, échangeront leurs points de vue sur le déroulé des Dialogues et donneront leurs sentiments sur cette initiative. •