ARRITTI rigala à tutti i Corsi ssu bellìssimu cantu d’amore à a nostra ìsula, scrittu da Ghjàcumu Fusina, è cantata da Petru Guelfucci.

Sacru cume un altare, lea infinita frà noi tutti, ch’ellu ùn chita mai e nostre mente, è guida sempre i nostri passi.

 

 

Corsica

di Petru Guelfucci

In un scornu di lu mondu,

Ci hè un lucucciu tenerezza

Ind’u mio core, maestosu,

Imbalsama di purezza

Ghjuvellu di maraviglie,

Ùn ne circate sumiglie,

Ùn truverete la para ;

Ghjè ùnica, sola è cara.

Corsica.

Face sempre tant’inviglia

Ssu scogliu ciottu in mare,

Tesoru chì spampilla

Sacru cume un altare.

Calma, dolce cum’agnella,

Generosa è accugliente,

Si rivolta è si ribella

S’omu disprezza a so ghjente.

Corsica.