Puesia

Missaghju

Ssu cantu di Natale Luciani, cacciatu ind’è u discu Ci hè dinù di Canta u Pòpulu Corsu in u 1984 hè magnìficu è prufondu, da e so parolle, a so meludìa, u so messagiu. Ripigliatu da parechji cantarini, hè nant’à u dischellu di u gruppu Missaghju uscitu in u 2016. Arritti u manda à u mondu oghje in suffrenza. A pianetta, l’Auropa, a Francia, a Corsica anu u bisognu di sente sse parulle di speranza è di sulidarità. Passa per ssu caminu u mondu novu à inventà.

 

Tanta suffrenza spapersa in lu mondu
L’omu chì vole campà
A me speranza in missaghju mandu
Quellu chì cerca à luttà

Fratellu orma a to lotta hè mea
T’avvii mezu à l’avversità
Cunnosci i guai per fà chì l’idea
Splendi pè a libertà

Cresce la voce sopr’à le fruntiere
Purtendu a speranza quallà
Dannu veloce canzone straniere
Chjamendu a sulidarità

Làcrima pura chì sbuccia surgente
A fiumara di l’unità
Forza sicura chì richjara a mente
Soffiu di a verità

Passa una vita di gioia è di pena
Passu di fideltà
Parolla scritta chì sempre sumena
L’avvene, chì ne serà ? •