Tù chì sì stat’un ghjornu
inghjuliatu
per difend’a to libertà
Nun pensà più ch’ai straziatu
i to penseri lascia un pocu stà
Nun ti lagnà più nant’u to passatu
Ti sì battutu per pudè megliu stà
E pens’appena ch’indè questu mondu
Ci sò chì mòrenu pè a libertà
Veni cù mè, porghji la manu
Avem’a cantà avem’a cantà
Perch’elle compiinu in lu mondu sanu
L’offese à la libertà.
Ascolt’un pocu tù caru fratellu
In certi lochi luntanu culà
Ci sò di l’omi si so mess’arritti
Ma l’hanu chjosi per l’eternità
Senza pudè difend’e so idee
L’anu tumbati senza pietà
Èranu tant’omi fieri
E so morti è a lihertà.
Veni cù mè, porghji la manu
Avem’a cantà avem’a cantà
Perch’elle compiinu in lu mondu sanu
L’offese à la libertà.
E ghjè per quessa chì ti dicu
Ùn piantà mai di luttà
Canteremu pè i nostri fratelli
Scunsulati per sempre culà
Ch’e nostre voce sàltin’e fruntiere
Chì manc’un piombu le possi parà
Per falle sente scalend’in lu celu
Ci vole à luttà ci vole à luttà.
Veni cù mè, porghji la manu
Avem’a cantà avem’a cantà
Perch’elle compiinu in lu mondu sanu
L’offese à la libertà.