Una settimana una parolla
(O duie, o micca, sfidàtevi di e « parolle parolle parolle…»)
Salute a tutte e a tutti. « Aspettate una siconda : mi pare falsa a citazione : ùn si dice micca “piccia surella” ma “surella piccia” » Ai a raghjo, ma a rima un cunvenia micca.
Dunque, emu da parla di picce e picci. «Bravu, c’emu da campà à piccià un’o duie vitture sta notte ! » A faci apposta ? Piu va e piu si insensatu!
Eppuru hai ammintatu a spressione « surella piccia ». Allora ascolta be : d’appressu a l’Infcor, si tratta di « Duie persone nate da u listessu partu ». L’etimulugia he chjara : vene da u talianu «appicciare». Docu qui a definizione di u Treccani : « v. tr. [prob. affine ad appiccare, appiccicare] (io appiccio, ecc.), ant. o region. – Unire insieme, attaccare : a. i fichi secchi ; piu com. nella locuz. a. il fuoco, accenderlo ; e cosi, a. i ceri, le candele, la luce ». «Quepp’allora ! Mì ! Ùn era micca cusì baulu, ùn era: u sensu di brusgià esiste». Va be, un si micca stupitu, ghjustu appena.
Un sinonimu he « gemelli » chi esce da u latinu gemellus, diminutivu di geminus «doppiu». Postu ch’e no simu cu e lingue antiche, vurria mintuva qui u grecu. A parolla he δίδυμος (didumos), cioe a duplicazione di δύο (duo « deux ») cu u suffissu senza significatu -μο- (-mo-). S’incontra dinu « paghju », « coppiu », « cuppiolu », « picciaghju », « picciottu ». A nascita di picci he scarsa e, a l’occasione, un affare d’eredita. Da vede u casu d’una siciliana chi t’ha avutu, cu dui mariti sfarenti, 22 gravidanze tutte doppie !
Esiste dui tippi di picci : i monozigotichi e i dizigotichi. Ste parolle barbare venenu da u grecu μόνος (monos « unicu »), δίς (dis « duie volte ») e ζυγωτός (zugotos «accuppiatu») : si chjama zigote l’ovu fecundatu. I picci monozigotichi so dunque derivati da a fecundazione d’un solu ovulu da parte d’un spermatozoidu solu. Tandu i ciucci so sempre di stessu sessu e presentanu caratteri somatichi e psichichi assai simili tra d’elli, postu chi t’anu un patrimoniu ereditariu identicu). Ma a maio parte di i gemelli sortenu da dui ovi fecundati da dui spermatozoidi, ponu dunque ave un sessu sfarente, e un s’assumiglianu micca piu che dui fratelli o surelle « nurmali ».
A settimana prossima, videremu chi ghje a piazza di i picci « veri » ind’e sfarente suceta e eta, a sumiglianza fendune qualcosa di sopranaturale, dendu vita a mitulugie varie.
Eccu per compie una canzona :
www.youtube.com/watch?v=W4kboLdq-e8
Marina Chovin.