À tè ghjuventù chì si a nostra forza è a nostra speranza, stu bellìssimu cantu ch’hà viculatu già parechje generazioni di militanti. Scrittu da u puetone Ghjuvan’Tèramu Rocchi è messa in cantu da Felì. Forza ghjuventù, « aperta hè a strada ancu à viaghjoni »…
Si sò allevati pè i mo rughjoni
Sò speranze scritte di i mo dumani
À puntu sò pronti à dà primi frutti
Ingurdizia di sempre i ti voli tutti
Sti giuvanotti sò d’ind’è mè
Ne voli dui ne voli trè
Ne voli quant’è lu ci n’hè…
Qualessi i patti ch’è n’emu cacciatu
Duv’hè stata scritta chì di u mo fiatu
Ti n’affiaterie smisuratu orgogliu
Arrichendu inghjulia, pientu è santauliu
Sti giuvanotti sò d’ind’è mè
Ne voli dui ne voli trè
Ne voli quant’è lu ci n’hè…
Si sò allevati pè i mo rughjoni
Aperta hè a strada ancu à viaghjoni
Ma sì di fà ceppu quì n’anu a brama
Ne rispondu eiu è facciu da mamma
Sti giuvanotti sò d’ind’è mè
Ne voli dui ne voli trè
Ne voli quant’è lu ci n’hè… •