60 anni à scumbatte da fà rinasce a nostra lingua !… sò mondi i Corsi, militenti in carta o nò, in un partitu, un associu, o un sindicatu, o nò, ch’anu messu manu in pasta da salvà a nostra lingua, da rivendicà l’urdigni pulìtichi o tènnichi ch’abbisogna u so riacquistu. Da a facultatività à l’ufficialità hè longu u caminu è n’avemu ancu à finì di luttà ! Ind’è ssa battaglia, tutti i mezi sò necessarii. Mi piacerebbe à fà un pìcculu sundagiu cù voi lettori di l’Accapu di a reddazzione. Cum’ella dice ssa rubrichella, dò quì u mo sìntimu settimanale nant’à sughjetti chì ci imprimurèghjanu. A nostra lingua hè un penseru maiò. A dice l’Unesco, hè in perìculu è ci tocca à fà sforzi torna assai per sorte di l’assuffocu statale. Mi pudete risponde quì per piacè, è rinvià e vostre risposte à Arritti, 5 corsu de Montera, 20200 Bastia.
Capite u corsu ? ◊ Iè ◊ À pocu pressu
Parlate u corsu ? ◊ Tutti i ghjorni ◊ Solu ogni tantu ◊ Innò
Scrivite u corsu ? ◊ Iè ◊ À pocu pressu ◊ Innò
Lighjite u corsu ? ◊ Iè ◊ Micca tantu
A lingua corsa hè minacciata ? ◊ Iè ◊ Innò ◊ Ùn a sò
Ci vole una vuluntà per salvà a lingua corsa ? ◊ Iè ◊ Innò
A cuufficialità pò salvà a lingua corsa ? ◊ Iè ◊ Innò ◊ Ùn basterà
Senza cuufficialità, ci duvemu sbruglià da per noi ? ◊ Iè ◊ Innò
Si pò salvà a lingua cù a scola ? ◊ Iè ◊ Frà altru ◊ Innò
Chì ne pensate di e scole assuciative ? ◊ Hè bè ◊ Hè un sbagliu ◊ Ùn a sò
Fate parte d’un associu chì difende u corsu ? ◊ Iè ◊ Innò
L’insignamentu immersivu pò salvà a lingua ? ◊ Iè ◊ Frà altru ◊ Innò
Sustenite Scola Corsa per l’insignamentu immersivu ? ◊ Iè ◊ Innò
S’ellu hè nò, cosa aspettate ? ◊ Ùn a sò ◊ Mandu un sceccu avà : BP 12, 20416 Ville di Petrabugnu.
È sè v’avete altri cummenti, mandàteli puru cù un fogliu accantu !
Evviva a nostra lingua ! •
