Parechje vitture anu brusgiatu ind’è a notte di u 22 d’aprile in Aiacciu. A càusa n’hè l’incèndiu criminale d’una vittura di France 3 Corse Via Stella. Un testimognu hà vistu un omu fughje dopu à ch’ella piccia focu a vittura. L’affare accade in un cuntestu foscu in Corsica induve si multiplichèghjanu l’incèndii criminali.
A direzzione di France 3 hà cundannatu u fattu « cù a più grande fermezza » diciendu chì ùn si sà micca s’ella hè vandalìsimu o animusità. Pè i sindicati Unsa è Snj di a televisione corsa, « aldilà di l’arnese di travagliu, ghjè a nostra prufessione sana chì puderebbe esse in mira ».
Arritti manda u so sustegnu tutale à l’inseme di i ghjurnalisti è dirigenti di France 3 Via Stella. •
