Hè a più grossa manifestazione pè i prigiuneri dapoi parechji anni.
Sò millaie à esse fallati in carrughju. 10.000 secondu l’Associu Sulidarità chì chjamava à manifestà, 2.000 dice a pulizza… 5 à 8.000 dice a stampa… vale à dì quant’ella hè stata un successu ssa manifestazione ! Famiglie di i prigiuneri, eletti municipali è territuriale, cunsigliu esecutivu, ghjuventù… par tuti da a gara, anu sfilatu tutti à longu à u corsu Napuleò in Aiacciu sin’à a piazza di u Diamante induv’elli anu compiu cù discorsi è Diu vi Salvi Regina ss’adunita fatta per chjamà
ghjustizia pè i prigiuneri : migliurà e cundizioni di detenzione, avvicinamentu, è appaciamentu cù l’amnistia. A Corsica hà fattu i passi ch’ellu ci vulia per custruisce a pace dopu à tant’anni di dolu, pienti è sacrifizii. Tocc’à u guvernu oghje à fà i soi i passi. Hè ora di fassi sente.
