S’hè spentu u nostru amicu Ghjuvanni Paoli d’Ania di u Fium’Orbu.
Avìa militatu assai à l’ARC pò à l’UPC, firmendu sempre un patriottu vicinu à tutti i naziunalisti. Pò s’era incartatu à Corsica Lìbera è hè firmatu militente indipendentista. Quelli chì l’anu cunnisciutu ponu ramentassi a so andatura chjuculetta à tutte e manifestazioni, tenèndusi spessu in spalla una bandera mora. Ghjuvà ùn parlava tantu, parlava cù l’ochji è omu sapìa ciò ch’ellu ne pensava chì avìa a Pàtria in core. Nativu di u Fium’Orbu cum’è tant’altri patriotti sinceri è appassiunatu era presente à tutte e chjame, pè a lingua, pè a cultura, pè i prigiuneri è ogni volta ch’ellu ci vulìa à mubilizà ci.
Sò parechji i militenti à avè ci lasciati quist’annu. Làcanu un viotu à e nostre lotte.
Riposi in pace o Ghjuvà. Cunduleanze fraterne à tutti i soi adduluriti. •