Da nutà l’urganìsimi ch’èranu prisente quist’annu punendu fiori à u pede di a stela di u ricordu stu 5 di maghju, frà i quali u presidente di l’OM o i raprisententi di Montpellier, segnu di u travaglione fattu da u Cullettivu di e vìttime dapoi anni. Anu spostu fiori : u Cullettivu di e Vìttime di u 5 di Maghju, l’Associu Sporting Bastia 92, l’associ di sustenitori bastiacci (Ghjuventu Turchina, Tribuna Petrignani, Socios, MNF…), l’US Corti, l’Amicale di l’anziani di u Gaz, l’Amicale di l’anziani di l’ACA, u Montpellier HSC, a Squadra Corsa, a Lega Corsa di Futbol, a FFF, i ghjurnalisti spurtivi di Corsica, Rcfm, u SDIS di u Cismonte, e cumune di Furiani è di Bastia, a CAB, a presidente di l’Assemblea di Corsica, u presidente di l’Esecutivu, u deputatu Michè Castellani, u senatore Paulu Santu Parigi, u prefettu di u Cismonte, u presidente di l’OM, a sezzione pro di u Sporting, a sezzione amatori di u Sporting…
Dopu à a benedizzione di u prete è u discorsu di Josepha Giudicelli, hè statu cantatu u Diu vi Salvi Regina.
Dui ore dopu, a Catedrala Santa Maria di Bastia era colma pè a messa tradiziunale in umagiu à e vìttime di a catastrofa. Una pensata hè stata fatta dinù à e vìttime di e catastrofe di u Heysel u 29 di maghju 1985 (39 morti è 465 feriti), di Superga, u 4 di maghju 1949 (31 morti) è di u Monte Renosu u 29 di dicembre 1962 (25 morti). •
