Hè cascatu sta simana u primu anniversariu di un evenimentu eccezziunale chì ci hà marcatu à tutti, quandu hè vinutu Papa Francescu à visità a Còrsica in Aiacciu. Milliai di Corsi si sò tandu adduniti in giru à ellu, è tutti tènenu in mente un bellu ricordu di sse stonde màgiche, è di e dichjarazioni d’amicizia chì u Papa hà fattu à u pòpulu corsu.
Era dunque tuttu à fattu ghjustificatu chì a merrìa d’Aiacciu dicidissi di battizà di u nome di Papa Francescu a magnìfica via chì allonga u mare à l’intrata di a cità.
Ma cumu si pò fà ch’ella sia stata battizata unicamente in francesu, è micca in corsu ? Prestu c’hè da vulè falla dinù in lingua corsa, par piacè ! •
