8 di maghju di u 1769 Ponte Novu
Torna centinaie di Corsi a dumenicata scorsa anu cummemuratu a battaglia di Ponte Novu di l’8 è u 9 di maghju di u 1769.
Cunferenza in lingua corsa : « Trà catolicità è storia : Ponte Novu pelerinaghju corsu » cù Petru Francescu Marchiani, messa nustrale, prucessione cù i Naziunali è i cunfraterni, veghja nustrale, bancone… l’associu u Ricordu di Ponte Novu cunduttu da u so presidente Tumasgiu Marchetti, hà datu torna appuntamentu quist’annu per ramentà u sacrifiziu di tanti corsi quellu mese maladettu di maghju induve s’hè persa l’indipendenza di a giòvana Nazione.
Ponte Novu ferma l’evenimentu di a stòria corsa u più cummemuratu per via di Golu culore di sangue parechji ghjorni… A battaglia fù tremenda, a speranza di pudè stirpà di l’ìsula u rè di Francia cù i so suldati è mercenàrii armati da fucili è canoni i più muderni di l’èpica, era tamanta anch’ella.
A nazione corsa era fighjata è ammirata da l’Auropa sana da e so andature demucràtiche è u prugressu ingagiatu. Speranza ancu di più acuta chì a vittoria paulista à a battaglia di Borgu avia imbuffatu d’orgogliu ssi paisani armati di vechji fucili. U raportu di e forze era smisuratu, 17.000 corsi di pettu à 25.000 francesi, un armata equipata è agguerrita, a metà di l’artiglieria francese sbarcata in Ponte Novu ! I Corsi elli ùn avìanu chè u so curagiu è a so fede in l’avvene.
Centinaie di patriotti ci anu lasciatu a vita… dicerà Voltaire : « L’arme principale di i Corsi era u so curagiu. Ssu curagiu fù cusì grande chì in una battaglia à cant’à un fiume numatu Golu, si fècinu un rampale di i so morti per avè u tempu di carcà torna è pudè ritirassi s’ellu ci era bisognu ; i so feriti s’aghjustonu à i morti per rinfurzà u rampale. Si trova dapertuttu valori, ma ùn si vèdenu azzioni sìmule ch’ind’è i pòpuli lìberi… »
Si spenghje cusì 257 anni fà l’indipendenza corsa nant’à ssu ponte martoriu ma hè cusì dinù chì u rinommu di a Corsica s’hè sparsu in l’Auropa sana è sin’à in Amèrica. Qualchi ghjornu dopu à a disfatta, Paoli imbarca in Portivechju per un esiliu ch’hà da durà vint’anni…
Puru, Ponte Novu ferma una memoria viva. Dice Marc’Andria Castellani : « Pensu chì d’una certa manera cù Ponte Novu, Paoli hà datu à a Nazione corsa una sepultura, un locu induv’ellu si pudia lampà i fiori, arricògliesi, postu ch’ellu ci era una tomba. È dènduli una tomba, hà marcatu cunsiderabilmente e memorie. Prova ci n’hè, s’hè passatu più di dui cent’anni fà è ne parlemu sempre oghje. »
Pè i naziunalisti corsi, Ponte Novu ferma un locu di sensu, d’unione è di valori cumune. •
Franck Elong Abé Saura-t-on un jour la vérité ?
Après son renvoi devant une Cour d’Assises spéciale pour assassinat en relation avec une entreprise terroriste, Franck Elong Abé conteste donc l’ordonnance de mise en accusation et fait appel. Tout comme son avocat, Maître David, l’avait annoncé lors de l’annonce de ce renvoi en Cour d’Assises, le prévenu conteste la préméditation comme l’accusation d’entreprise terroriste.
Du côté de la famille d’Yvan Colonna, c’est le non-lieu prononcé concernant le chef d’accusation d’association de malfaiteurs qui ne passe pas. Malgré les aveux d’Elong Abé auprès de la juge d’instruction d’un « acte commandité » (courrier adressé en mars 2024), par le biais d’une visite en prison d’agents de la DGSI (sécurité intérieure de l’État). Elong Abé se dit « victime de manipulations », contre une promesse d’argent, « 100.000 euros par année de prison », il se qualifie « d’abruti » pour avoir cru en ce marché…
On peut penser qu’Elong Abé affabulait… mais ne pas creuser l’instruction et devant un doute aussi troublant ne pas retenir le chef d’accusation d’association de malfaiteurs est incompréhensible. Et même suspect. •
• Leghje dinù
