Astérix in Corsica à u sinemà ?
Semu lecchi. Fabien Onteniente (realizadore di Camping, 3 zéros, Jet Set…) hà dichjaratu ch’ellu vuleria adattà «Astérix en Corse» à u sinemà.
Innò ùn hè micca una magagna, si parla da veru di l’adattazione d’Asterix in Corsica à u sinemà, ci dìcenu Première è dinù Allociné.
È sì l’affare ùn hè ancu fatta, ùn simu micca francamente impazienti di vede u risultatu. L’album di René Goscinny (chì avia fattu u scenàriu) è Albert
Uderzo (e fiure) era eccezziunale.
Ma quand’ellu si sà quant’ella hè diffìciule l’adattazione da u libru à u screnu…
Ùn pudemu stà senza dumandacci quale seranu l’attori. U nostru amicu Christian Clavier ferà u so grande ritornu in Corsica ? È quale per ghjucà u
persunagiu di Ocatarinetabellatchitchix ? Vincent Cassel ? Gad Elmaleh ? Kev Adams ? Jo Bonavita ?
Principiate puru à pensà à u peghju, hà da vene prestu.
Si parla corsu sin’à Los Angeles
U situ Compru In Corsu hà trovu u cummerciu u più luntanu di Còrsica induv’ellu si parla corsu. Si trova in Califurnia, in a cità di Los Angeles.
Scusate, in a cità di L’Ànghjuli.
Imaginate : site in Los Angeles, v’annuiate, site in depressione è vi manca u vostru paese ? Nunda di più sèmplice. Direzzione Melrose Avenue ind’è
«Napoleon and Josephine », l’osteria tenuta da Cédric Savelli è a so cumpagna.
L’annuariu Compru in Corsu hà fattu a so inchiesta.