Dopu à u Suttanacciu pocu fà, e dimarchje Femu a Corsica di rughjoni si mèttenu in ballu un pocu dapertuttu. Sàbatu scorsu, u 24 di marzu, in I Fulelli, una riunione di travagliu hà adunitu dui rughjoni, U Centru è a Castagniccia.
U scopu hè di creà un associu di prumuzione è d’urganisazione di Femu a Corsica nant’à u terrenu per aiutà i nostri eletti à infurmassi di ciò chì si passa, è à alimentassi di e riflessioni è e pruposte militente.
Ci hè u bisognu d’offre un arnese à simpatizenti o ghjente chì s’interèssanu à a dimarchja è vòlenu fà di Femu a Corsica, più ch’una dimarchja, un veru muvimentu pulìticu.
Sarà cusì creatu Dumènica u 9 d’aprile pròssimu à l’Università di Corti, Femu “Trà mare è monte”, accugliendu militenti è simpatizenti di e pievi di u centru, di Casinca è di Castagniccia.
Saranu presenti i nostri eletti. Venite numarosi è fàtela sapè di manera larga in giru à voi !
I militenti di l’altre regioni di l’ìsula sò invitati à fà listessu, da pudè, da quì à pocu, creà u grande muvimentu bramatu da millaie di Corsi ! Forza à tutti !