A prima rientrata Scola Corsa s’hè fatta u 6 di sittembre 2021. Ci èranu 15 zitelli in Bastia, è 10 in Biguglia. Da 2 classe per 2 scole in 2021, Scola Corsa hà da passà à 3 scole è 5 classe à a rintrata 2022, postu chì e scole di Bastia è Biguglia crèscenu d’un livelllu è ch’un antra scola hà da apre in Sàrula Carcupinu, vicinu à Aiacciu.
E scrizzioni anu principiatu è quist’annu, l’effettivi anu da duppià, è l’impiechi anu da passà da 5 salariati à 11 !
Scola Corsa brama una cuntrattualizazione cù u ministeru di l’Educazione naziunale chì li permetterà d’accede à i dritti di finanziamentu pè e paghe di l’insignante.
Aspettendu ssa cuntrattualisazione, Scola Corsa si finanza cù u sustegnu stituziunale è pupulare.
A Cullettività di Corsica hà vutatu una suvvenzione pè u 2022, è più di 300 personni è una quarantina d’intraprese anu sustenutu e scole corse in 2021.
Hè lampata torna una chjama quist’annu : voi dinù sustenite ssa dimarchja, fate un donu, aiutate à Scola Corsa à spannà a nostra lingua !
Première rentrée : 6 septembre 2021.
Deux écoles, 5 salariées, 15 enfants à Bastia, 10 à Biguglia.
Pour la rentrée 2022 : Ouverture d’un nouveau site à Sàrula Carcupinu près d’Aiacciu), 5 classes et 11 salariés.
2021 : 300 donateurs particuliers et 50 entreprises donatrices.
2022 : il faut faire mieux dans l’attente de la contractualisation avec l’Education Nationale qui permettra de financer les postes d’enseignants.
Inscriptions 2022/2023 ouvertes pour les enfants de 2 ans ½ à 4 ans mais aussi pour les grandes sections si l’enfant maîtrise la langue corse. •