S’hè spentu in Bastia Eugene Cocchi à l’età di 69 anni. Era una figura bastiaccia cù a so stanza d’orillugerìa ch’hà vistu operà trè generazioni. Eugène avìa ripigliatu cusì u cumerciu dopu à u so babbu è u so caccaru è ci hà travagliatu 30 anni à mezu à pinze, tornaviti, braccialetti, sfiere… Stà à sente i tichitachi di i so rilogii, era quì ch’ellu era u più chetu è felice ! Eugène era un amicu appreziatu è tenutu caru. Era u fratellu di a nostra surella Monica Cocchi, è u ziu di Nathalie è e so duie figliole. Lascia mondu parenti è amichi adduluriti. Arritti manda e so cunduleanze afflitte à tutti. Ch’ellu riposi in pace in Paradisu. •