S’hè spenta in Bastia u 13 di ferraghju Graziosa Casanova, nata Lorenzi. Graziosa era di ssi militenti di prima trinca, quand’ùn si parlava ancu di naziunalìsimu. È ssu naziunalìsimu, l’hà campatu in i fatti d’ogni ghjornu, allivendu, cù u so sposu smaritu qualchi annu fà, e so figliole, Maria Ànghjula, Maria Pàula è Daniella, nu u rispettu di i valori nustrali, l’amore di u paese, a passione di a cultura è di a lingua corsa. Di mistieru, era insignante in Bastia induv’ella hà furmatu uni pochi di ghjòvani.
Sempre prisente è fida, Graziosa era di tutti l’appuntamenti. Era un amica dinù di u nostru settimanale.
ARRITTI manda e so cunduleanze afflitte è fraterne à e so figliole, i so ghjènnari, i so purfiglioli è arcipufiglioli, parenti è amichi tocchi da ssu dolu.
Riposi in pace o cara. •