Dopu à l’incèndii criminali di a settimana scorsa, sò state numarose e riazzioni di rimprovu. Eccu quelle di Femu a Corsica è di u presidente di u Cunsigliu Esecutivu di a Corsica annant’à i retali :
• “A casa cumuna d’Afà hè stata dannighjata da un incendiu criminali. Femu a Corsica palesa issu fattu inaccettèvuli è porghje u so sustegnu à u merri Pascal Miniconi, u so aghjuntu Paul Miniconi, tutta a squadra di l’eletti è a cumunità afaghjinca”.
• “Dopu à quidda d’Afà trè ghjorni fà, dopu à casi distrutti a notti scorsa in Alata, hè stata oghji dannighjata da un incendiu criminali a casa cumuna d’Appiettu. Si custituisci à u filu di i simani un clima generali chì c’impenserisci. Femu a Corsica porghji u so sustegnu à u merri François Faggianelli, à a squadra di l’eletti è à tutta a cumunità paisana. Ùn ci pò essa altra strada pà u nosciu paesi chì quidda di a demucrazia”.
• “La mairie d’Appietu visée par un incendie, après celle d’Afà, et dans un climat général de tensions et de violences. La situation ainsi créée est malsaine et dangereuse. Un seul chemin : la démocratie, la paix et une solution politique. Sustegnu à u merre d’Appietu è à u so Cunsigliu municipale. E case cumune sò pilastri maiò di a demucrazìa. Sustegnu à u merre d’Afà, u so primu aghjuntu, è à u Cunsigliu municipale, dop’à l’incendiu di a Casa Cumuna di u paese. Ùn ci pò esse altra strada per l’emancipazione di a Corsica chì quella di a pace è di a demucrazìa” (Gilles Simeoni). •