Site prevenuti, à Fillon li piace pocu a lingua corsa
Serà forse ellu u presidente di a Repùblica. Si parla d’ellu cum’è un cunservatore è un liberale. Per ciò chì hè di a lingua corsa, ci vole à dì ch’ellu li garba pocu.
Era di dicembre di u 2015, dop’à l’elezzione di i naziunalisti à l’assemblea di Còrsica. In e numerose riazzioni dop’à u discorsu in lingua corsa di u presidente Talamoni, François Fillon avia mandatu un cummunicatu abbastanza azezu. « Le prononcé d’un discours inaugural dans une langue qui, à ce jour, n’est pas celle de la République, la référence à des prisonniers politiques dont le Premier ministre a rappelé récemment qu’ils n’existaient que dans l’imagination des nationalistes, et plus encore les insultes faites à l’histoire de notre pays méritent de la part du chef du gouvernement un ferme rappel à la loi et de la part du chef d’Etat une réaction claire concernant l’unité de la nation française ». Chì serà « une réaction claire » ? Un pattone ? U GIGN? Un embargo ? Ma rassiguràtevi, era listessa per Juppé.
François Fillon : « J’avais bu du rosé corse »
François Fillon hè dinù quellu chì avia cappiatu a bomba « je suis à la tête d’un état en situation de faillite ». Si passava in Corsica, in u 2007. Parechji anni dopu hà datu una spiegazione : « on était au soleil, on avait bu du rosé ».
L’af fare ùn era piaciutu à Nicolas Sarkozy, tantu presidente di a Repùblica, è a frasa era stata cumentata assai. Parechji anni dopu, in u ducumentariu di Franz-Olivier Giesber t Nicolas Sarkozy, secrets d’une présidence, Fillon dà una spiegazione à sta cacciata : « Je suis en Corse et ça fait deux heures que je subis les assauts des syndicalistes agricoles, on est au soleil, on a bu du rosé… Ils me disent “on veut de l’argent”. Je leur dis au bout d’un moment : ça va ! On ne peut plus demander en permanence à l’état…» In fine di contu, utilizeghja una vechja scusa chì i briaconi cunnòscenu bè per ghjustificassi d’avè fattu una cunneria : mette tuttu in colpu à l’alcool.
D’altronde, hè ciò ch’ellu dice Alain Minc : « Fillon fait un dérapage institutionnel hallucinant et moi je l’impute simplement au rosé corse ». Puntu pusitivu: sapemu chì à Fillon li piace u vinu corsu è ch’ellu cappia e bombe quand’ellu beie. Ùn ci hè più soldi, ma almenu averemu forse l’occasione di ride. Pè u restu…