Sò sempre incantata di e maraviglie ch’elle ci anu lacatu certe civilisazioni landane. Tamantu gèniu per fà sorge munumenti ch’anu varcatu i sèculi. Tamanta forza per custruisce catetrale maestose, piramide misteriose, immensi tempii antichi, stàntare pisendu tunnellate, puru senza trèmacu nè camiò, solu à a forza di i mùsculi è [… leghja di più]
L’8 di dicembre hè Festa di a Nazione corsa ! U ghjornu di L’Immacculata Cuncezzione, Regina di a Corsica, hè statu sceltu ghjornu per unurà a so santa prutezzione nant’à a nostra ìsula. Hè in u diciottèsimu sèculu chì i patriotti corsi in lotta contr’à Ghjènuva s’addunìscenu in Cunsulta à u [… leghja di più]
L’annata 2020 hè stata un annata di dùbbitu è di penseri. A crisa sanitaria di u Covid19 l’hà imbruttita di dolu, di suffrenza, di spicanza, d’inchietùdine. I raporti umani sò stati ciambuttati, dinù a cunfidenza in l’avvene. Basta à rompe l’equillìbrii fràcichi di a nostra ecunumìa per mette in perìculu [… leghja di più]
A situazione di crisa sanitaria s’hè arrubbatu mondu vite di parenti è amichi dapoi u principiu di l’epidemìa. Hà toltu i nostri raporti umani, ùn ci basgiemu più, ci pugnemu. Si strughje a nostra ecunumìa. Fracicheghja e sucetà. Riporta l’elezzioni è affoca i dibàttiti demucràtichi. Sguassa tutte e rivendicazioni. Magliette [… leghja di più]
Cù a crisa sanitaria, e pèrdite di u cumerciu di prussimità sò tremende. È cù ellu, sò parte impurtante di a nostra ecunumìa chì lèccanu. U cumerciu di prussimità hè a vita ind’è e nostre cità è i nostri paesi, sò e rilazioni umane, a cunvivialità, u scàmbiu. Sò un [… leghja di più]
A crisa sanitaria ci porta à ùn festighjà l’anniversariu di u nostru settimanale cum’ella era prevista ssu principiu di dicembre. A bella festa ch’era appruntata in Biguglia cù mondu mostre è spartera cù i nostri fratelli baschi serà per un antru ghjornu. Ma ARRITTI franca i so cinquanta quattr’anni è, [… leghja di più]
È torna à Vignale ! Vultemu ind’è l’infernu di u (a ?) Covid ! Ci fecìamu di più in più penseru ma ùn ghjunghjìamu à crèdela, èccuci torna à parlà di cunfinamentu !… A situazione in Francia s’hè imbruttita è in Corsica, ancu di più in furia. Oghjeghjornu u livellu di gattivezza si misura [… leghja di più]
Tamanta pena pugnalata in core ! L’amicu caru, u patriottu di e prim’ore di l’ARC, u fratellone ch’hà sappiutu frà altri accumpagnà i mo primi passi incerti di ghjòvana militente, cù a so sperienza, a s’ascolta paterna, u so sguardu generosu, u corsu ind’è l’ànima, u spìritu accanitu è lìberu, l’omu [… leghja di più]
Certi ùn avìanu micca vint’anni, a maiò parte ùn avìanu mai francatu e lìmite di u so paese, parechji ùn parlàvanu chè corsu. Sò partuti à u fior’di l’età à tumbà d’altri omi ghjòvani senza capisce u cumu è u perchè d’una guerra ch’ùn era a soia. Ùna avìanu drittu [… leghja di più]
L’acqua hè vita è senza acqua ùn si pò campà. Ma l’acqua pò esse morte dinù. L’inundazioni di u 2 è u 3 d’ottobre dopu à a timpesta Alex anu fattu sette morti trà Francia è Italia. Parechji sò spariti torna è s’aspetta à un bilanciu ancu di più tremendu. [… leghja di più]
ARRITTI n’hà parlatu qualchi settimana fà, s’hè morta l’avucata curda Ebru Timkit dopu à 238 ghjorni di greva di a fame. Era accusata di difende i dritti di u so pòpulu è rivendicava un prucessu rispettosu di a demucrazìa. « U curagiu incredìbile di ssa donna conta una volta di più [… leghja di più]
Hà dettu Laurent Marcangeli, candidatu à l’elezzione territuriale à prupòsitu di e rumènzule : « A pulìtica pruposta da l’Esecutivu hè un sonniu. Ùn ci ghjunghjeremu à a scela selettiva, è tuttu u mondu a dice indifora di l’associi chì travàglianu cù Gilles Simeoni. Ùn si pò avè una visione uniforma… a [… leghja di più]
ARRITTI festighjerà i so 54 anni di paruzione cuntìnua l’8 di dicembre pròssimu. Più d’un mezu sèculu di stòria è di lotte da tutte e mamme sbucchendu nant’à l’affirmazione di a nostra identità è di a vuluntà d’esse di u nostru pòpulu affucatu dapoi sèculi, è pè u più ss’ùltimi [… leghja di più]
Mediterràniu hè in perìculu, affucatu da i lozzi di plàsticu è pè u più i microplàstichi ch’invàdinu tutti i so spàzii è minàccianu tutte e spèzie marine sin’à a salute di l’omi. Dettu dapoi sempre mare di bellezza è di purezza hè ghjuntu oghje u mare u più pulluatu di [… leghja di più]
U Brasiliu pò simbulizà a maiò parte di e disgrazie di ssu mondu. Brùsgia è pienghje l’Amazunìa, simbulizendu à tempu u scumpientu di u riscaldimentu climàticu è i so perìculi, u disprezzu di l’ambiente è di i pòpuli è culture autoctoni di pettu à u soldu rè, e scelte di [… leghja di più]