Un topu citatinu, techju di bene stà, un amicu campagnolu invitò à magnà… – O cumpà, un pranzu : salcicci è ficatellu, resti d’aziminu è vinu muscatellu… L’altru chì era famitu, accittò l’invitazione, quandu si hè disgraziatu, ùn si manca di st’occasione. Sott’à i pedi di a tola, robba secca è [… leghja di più]
Un impresariu, avìa ammansatu un tisoru famosu, fabrichendu Ascelemi cù simà bellu rinosu… Hà riflessu : « S’è u dichjargu à u Ministru di e Finanze, ùn mi resta più nulla par andà à Monaco in vacanze ». Dumandede à u so amicu un colpu di manu, par andà à intarralu un pocu [… leghja di più]
Margaritta Gamba-drì, firmò vèduva à vint’anni. O li mughji, li brioni, tanti affanni, tirate di capelli, làcrime è svinimenti… Quellu carrughju era pienu di i so lamenti : – O Camè la me caldanza*, chì sò troppu sciagurata… Ùn parte o Camè, ùn ti scurdà di a to spusata… Pìgliami cù [… leghja di più]
Intartaratu da l’aziminu un caldaru (1) marinarescu, salutò à Zia Pignatta chì si ne pusava à u frescu. – O Pignà… à u frescu ? Hè cotta cotta a pruvenda ? – À u frescu, o Caldà… ci n’hè bisognu : m’aghju compiu una pulenda. – Sta cagnara ùn pò durà… sempre à [… leghja di più]
Un coppiu pacìficu, onestu, ideale, Lupu è Volpe, èranu in tribunale… senza avucatu, nisunu si stonga, anu a lingua abbastanza longa… Davanti à a Scìmia, Lupu accusa, Volpe si difende… – Mentre eri andatu à fà le mo faccende… – E toie e faccende e cunniscemu… – O sgiò [… leghja di più]
Un lupacciu famitu, magnendu prisuttu tazzatu, ingullendu à strangulera s’era ingurguzzatu… Sò cose chì accàdenu magnendu carne famose… Allora, à u Continental*, ùn risicate tante cose… Mezu stufatu circava à tutta moda, o d’ingolle u buccone o di lampallu fora… – Corciu di mè… s’è ùn lu cacciu, mi [… leghja di più]
Vulpina, Asinus, Lionis è a Capra, avìanu furmatu una socetà à rispunsabilità limitata. Tuttu sarìa in cumunu, unu cun tutti, tutti cun unu. Faccende è magnùscula à spartizione eguale, ognunu dava a soia. Frutti, arbasgi, ligumi o carne animale. Vulpina ch’avìa postu una tràppula geniale, annunciò un ghjornu à [… leghja di più]
L’affare si passò in Tiuccia è fù di sera. In li tempi chì Mascione era sempre carrittera. Un sumere è un mulu, coppiu un pocu stranu, marchjàvanu capizzendu, chì venìanu da luntanu. U sumere era carcu cum’è e pumate di Zìu Michele chì hà u tempu d’occupassi di l’ortu, postu [… leghja di più]
Un pastore durmìa. U tagliolu pascìa. Ind’un pratu fiuritu da e parte di Mezavìa. Vi stunate ch’ellu durmissi stu travagliadore ? Dòrmenu i funziunarii, ùn pò dorme un pastore ?… Ma un lupu vighjava… Cum’ellu era vicinu da a vichjaia, aggrunchjatu da i rumatismi, cù pocu scrupuli di catachismi, s’era vistutu da [… leghja di più]
Un levru ind’è l’arba fresca saltichjava. Par fà scornu à a cuparchjata chì si trascinava… – O Piripichji, disse quella, femu a corsa ? – O lumacò… vai ind’è Peugeot à fatti cambià u carburatore… ancu megliu farìa di razzicatti a carruzzarìa… Scumessa. Fàcenu u segnu. Si mèttenu in paru. Si [… leghja di più]
Petr’Antone era Sartinesu è pastore, cum’è un altru pò nasce Aiaccinu è travagliadore… Sò di ste cose ch’ùn vanu inseme suvente ? Scusate : ne cunnoscu unu chì hè giandarmu è intelligente… È pò ùn semu micca quì à discutà cose vane, sinnò ci sarìamu fin’à dumane… Petr’Antone, Sartinesu ma ancu pastore, [… leghja di più]
Marìa Marìa À pedi si ne vinìa A a lattarìa Annantu à a strada di Munacìa… Innò, ùn hè micca una canzunetta… S’ella era, ùn l’avarìamu datu nome « sturietta ». Ma sarìa stata ghjusta chì, finiscendu in ballu, u principiu di a stòria, ci mittìssimu à cantallu. Cù a so [… leghja di più]
U gallu rossu di ziu Battista s’era appullatu annant’à un accassià. In pulpitru era cullatu par ghjittà un colpu d’ochju in lu luntanu. À un chjosu sott’à a ripa, chì hè postu à granu. Tutti l’anni u pullinaghju sanu, virità detta in duie righe, andava in quellu chjosu in ispidizione [… leghja di più]
Si raconta chì un lupu nativu d’Antisanti, avìa decisu di campà cum’è i Santi. Di seguità un regime datu da i duttori, d’ùn strangulà più agnelli, ancu menu pastori. Micca una prumessa di fumadore chì hà la gola macca, prumette d’ùn più fumà è sciccà arba tabacca… Nò… nò… una [… leghja di più]
Agnulinu, u core sempre in festa, hè divintatu un spezialistu di a siesta. Induv’ellu si trova, si stracqua, durmarìa ancu ind’è l’acqua… Quella matina stracquatu sott’à un liccione, guardava i nùvuli fendu e so riflissioni : – A Natura hè strana : in tarra, tamante zuccone… Sarìanu più à a so piazza [… leghja di più]
U paisanu, malatu, sintìa ch’ellu vinìa, cù un pocu di rigrettu, u mumentu d’andà à rende conti à San Petru… Avanti di more, à i figlioli riuniti avìa datu issu sicretu : – U nostru chjosu ùn hà prudutu cà cardi, ma di fà bè ùn hè mai troppu tardi. Sott’à [… leghja di più]
Una cuparchjata, casata, ma scapata, vulìa piglià i paesi. Andà à vede l’Amiricani, i Spagnoli, è l’Inglesi. L’Àrabi era una stonda ch’ella i cunniscìa, chì era lughjata in Mezavìa… Quelli chì ùn cunnòscenu u so paese sò fieri d’andà à scopre i paesi stranieri. Duie anatre, à e quale u [… leghja di più]
Un paisanu tagliava legne ind’una catapechja (1)… – Ma chì vita… è cum’elle vi vanu garbate : stamane, ci vulìanu ancu e legne musgingate. Carbunaglia ne aghju fin’à u nasu… Ùn mi stona chì a ghjente si servi di « buttagazu »… Tanti guai, tante cagnare, mi vene voglia d’andà à lampammi in [… leghja di più]
Vincilioni o Martinetti (1) purtava annant’à un carrettu, una capra, un muntone è un purchettu. St’ùltimu, pocu cuntentu, lintava certi mughji chì mittìanu spaventu. – O Mario Lanza (2)… ai cantatu a Tosca è a Traviata (3), cù una voce di tenore chì sfiata… Falla finita… Ci poi lascià un [… leghja di più]
À chì vidìa stu cane magru seccu è codicortu, si dicìa : « Què, hè u cane di u Tortu… » U Tortu ? Un’d’issi cristiani chì pòsanu ghjurnate sane. Ùn magnava ellu è ancu menu u cane. U lupu chì i scuntrò fece a stessa riflessione, ma era ora di cullazione… U cane ùn [… leghja di più]
A volpe di u Niolu è un beccu Vinachese, caminàvanu inseme nant’à a strada di Carghjese… Magnatu avìanu, ma èranu assititi. È Diu sà, sì l’acqua hè schersa in sti lochi arristiti.` Dopu à una girata, daret’à quellu monte, mez’à i calapitus si prisintò un ponte. – Curaghju, o cumpà, [… leghja di più]
U Lion’di Roccapina, avanti d’esse impitratu, era un lione piluttu, cum’è Zì Andrìa quand’ellu ùn hè rasatu… Da Sartè à Bonifaziu ellu rignava… Cum’ellu era u Rè, u travagliu ùn lu tumbava… techju è briacu, pudìa avè cuntinuatu à fà u so mistiere di Rè di a cuntrata… Nò. Ci [… leghja di più]
Avìa postu i pomi Matteu l’urtulanu. Ma a notte stessa, un latru ci hà postu a manu. Cum’è Matteu ùn durmìa tutt’à fattu, u tippu fù guasi presu sopr’à u fattu. L’affare di u latrone andede davant’à u tribunale di u cantone. – Dunque, disse u ghjùdice, l’omu quì prisente, [… leghja di più]
A signora Matalena, ch’avìa più robba da acquistà cà da vende, tinìa duie serve par falli e so faccende. Era in li tempi chì Berta filava. Linu o lana, a ghjurnata à filà si passava senza pisà u capu, chì a vechja e vaitava. Tavagliàvanu tardi ; a sera per addurmintalle [… leghja di più]
In furesta di Vizzavona, un lupu puzzicosu, mughjava di fame, sfiancatu è musinosu… Era tantu spinnatu quellu lupone, chì parìa surtitu da un campu di cuncintrazione. Scuntrò un cane cù un bellu pelu lisciu… Ellu, accantu, parìa un stoccafisciu*… L’avarìa datu duie dintate par mèttelu à male… ma cumu attaccassi [… leghja di più]