Un culombu si bagnava u biccu, ind’un puzzatellu… Vede una furmìcula chì nutava. Dicu : chì nutava, in fatti s’annigava. Culombu li tende un steccu di prunalbellu, fù salvata da stu punticellu. Una misata dopu, u culombu in anda di buscà qualchi ghjanda, si pone in cima d’un pullone… Petru Santu [… leghja di più]
V’aghju dighjà prisintatu à Signor’Lupu è tutti i so guai. U ritruvemu sempre famitu è più bruttu chè mai. Soca ci era una fiera in li cuntorni ed ellu ùn la sapìa. U fattu hè chì majuscule ùn ne vidìa… Ghjittendu un colpu d’ochju pà issi prati, ti vede u cavalu [… leghja di più]
A moglia di Pittistu, riintrava da l’ortu. Era andata à annacquà… è ùn avìa cusì tortu… S’ella aspittava u maritu, a civolla ùn criscìa. Parchì fà stu travagliu, à ellu ùn piacìa. Riintrava dunque è appena pigliatu e scale, vede u maritu, fatigatu, chì pusava annant’à u mutale. – O [… leghja di più]
Un corbu si strapillava un pezzu di salciccia, trovu rumichendu à a romance (1) di Caldaniccia…. Pesa u capu è vede un’àcula chì si lampa annant’à un muntunellu, suppisèndulu in le grinfie è scappà in Capitellu. – Ùn ci hè male, disse lu corbu… quì ci hè a stumachiccia…. un [… leghja di più]
Una volpe, firita da una fucilata, u pelu sanguinosu s’era intafunata…. In pocu tempu un battagliò di musconi s’èranu accolte in quellu tafone. Un veru gran’battaglione, cum’è quellu di a romance* di Sant’Antone… Un squadrone affannatu è attivu, dicisu à suchjassi El Zorro vivu vivu. Un ricciu chì facìa [… leghja di più]
Signor Lione Rè è Imperatore, avìa decisu di parte in Guerra contru à un usurpatore, o contru à un pòpulu, o contru à un altru animale, pocu impreme : par quelli chì si bàttenu rivene uguale. – Virificate l’armamenti, fate l’appellu par matriculu, dumane partemu in guerra, u paese hè [… leghja di più]
U Duce Lione era aggrancatu da i dulori… Hè par què ch’intornu à ellu, ci era tanti duttori. – Tension, disse u primu. Cholesterollu, disse u secondu… – Sciàtica, disse u spezialistu. Almenu ch’ellu ùn sìa muribondu. – Apremu e trippe, assicurò Comiti1… è pò… vidaremu… Sempre à tempu à [… leghja di più]
Hà campatu ind’un pullinaghju di Valle di Mezana, una gallina un pocu strana… Tutte e matine facìa un ovu in oru… Madama Gallò-Gallì, si valìa un tisoru. Cù un tal’ovu ci hè da campà di Gran’Signore. Ci hè da cumprà, si t’ai calculatu, ottu porri, sei zucchette, duie melinzane à [… leghja di più]
Un topu citatinu, techju di bene stà, un amicu campagnolu invitò à magnà… – O cumpà, un pranzu : salcicci è ficatellu, resti d’aziminu è vinu muscatellu… L’altru chì era famitu, accittò l’invitazione, quandu si hè disgraziatu, ùn si manca di st’occasione. Sott’à i pedi di a tola, robba secca è [… leghja di più]
Un impresariu, avìa ammansatu un tisoru famosu, fabrichendu Ascelemi cù simà bellu rinosu… Hà riflessu : « S’è u dichjargu à u Ministru di e Finanze, ùn mi resta più nulla par andà à Monaco in vacanze ». Dumandede à u so amicu un colpu di manu, par andà à intarralu un pocu [… leghja di più]
Margaritta Gamba-drì, firmò vèduva à vint’anni. O li mughji, li brioni, tanti affanni, tirate di capelli, làcrime è svinimenti… Quellu carrughju era pienu di i so lamenti : – O Camè la me caldanza*, chì sò troppu sciagurata… Ùn parte o Camè, ùn ti scurdà di a to spusata… Pìgliami cù [… leghja di più]
Intartaratu da l’aziminu un caldaru (1) marinarescu, salutò à Zia Pignatta chì si ne pusava à u frescu. – O Pignà… à u frescu ? Hè cotta cotta a pruvenda ? – À u frescu, o Caldà… ci n’hè bisognu : m’aghju compiu una pulenda. – Sta cagnara ùn pò durà… sempre à [… leghja di più]
Un coppiu pacìficu, onestu, ideale, Lupu è Volpe, èranu in tribunale… senza avucatu, nisunu si stonga, anu a lingua abbastanza longa… Davanti à a Scìmia, Lupu accusa, Volpe si difende… – Mentre eri andatu à fà le mo faccende… – E toie e faccende e cunniscemu… – O sgiò [… leghja di più]
Un lupacciu famitu, magnendu prisuttu tazzatu, ingullendu à strangulera s’era ingurguzzatu… Sò cose chì accàdenu magnendu carne famose… Allora, à u Continental*, ùn risicate tante cose… Mezu stufatu circava à tutta moda, o d’ingolle u buccone o di lampallu fora… – Corciu di mè… s’è ùn lu cacciu, mi [… leghja di più]
Vulpina, Asinus, Lionis è a Capra, avìanu furmatu una socetà à rispunsabilità limitata. Tuttu sarìa in cumunu, unu cun tutti, tutti cun unu. Faccende è magnùscula à spartizione eguale, ognunu dava a soia. Frutti, arbasgi, ligumi o carne animale. Vulpina ch’avìa postu una tràppula geniale, annunciò un ghjornu à [… leghja di più]