Signore boie è mufrone, issa stòria mi piace à cuntalla, tardi in la nuttata rientronu in la stalla. Anu vistu sùbitu chì da l’intrata à u fondu, a grotta, a so casa, era piena di mondu. – O Mufrò una verità, ùn mi sbagliu micca, par passà a nuttata quì, [… leghja di più]
A figliola di a Cuntessa di i Talavelli, ùn si lasciava avvicinà nè da vechji nè da zitelli… Quand’un omu a dumandava in matrimoniu, era quant’è ch’ella vidissi un dimoniu. Par ella, una dumanda era un affrontu, è par tutti u rimpròvaru era prontu : – Una donna di u me [… leghja di più]
« Hè cusì… » dicìa a Volpe finiscendu u so discorsu… Ti rendi contu quanti perìculi aghju corsu ? I pullinaghji i si fàcenu à l’usciu, è quandu ci imboccu, sintarè u rimusciu… Tù, cuccagna, batti in campagna… – Fatti Lupu… farè à magna magna. In casa aghju a pelle di u me [… leghja di più]
Marìa Marìa, à pedi si ne vinìa da a lattarìa annantu à a strada di Munacìa. Innò ùn è micca una canzunetta… s’ella era, ùn l’avarìamu datu nome « sturietta ». Ma sarìa stata ghjusta chì, finiscendu in ballu, u principiu di a stòria, ci mittìssimu à cantallu. Cù a so tinella [… leghja di più]
Una sera d’invernu pà isse muntagne, un gattu è una scìmia, arristìanu castagne. Ci hè à dì chì era u gattu chì avìa issa primura, a scìmia e si magnava à misura. Ùn avìa u gattu u tempu di caccialla da u focu, chì l’animalu maliziosu a mittìa à bon [… leghja di più]
Tutta a sterpa animalesca fù stumacata quand’è trà pècure è lupi a pace fù signata. Sì i lupi stirpàvanu i muntoni, i pastori di a pelle di i lupi ne facìanu piloni. Nisun tranquillità in lu stazzu, nè libertà pà i lupi di fà u tazzu. Par prova di [… leghja di più]
Dui àsini, unu carcu di spunghje, l’altru di sale, caminàvanu longu à e catapechje (1) d’un fundale (2), siguitendu u fiuminale. Si capisce chì cù quellu pesu salitu, u sicondu tribulava, u spungaghju lèbbiu lèbbiu, scalcittava… – Aiutu, fratellu, aghju u spinu troncu… L’altru, sprizzante, li risponde cù un roncu. [… leghja di più]
À u tagliu di u stradone in lu so urtulinu, Zìu Pàulu si punìa un mandarinu. – O Zìu Pà ! dìssenu trè pullastroni (1), andate puru chì u fruttu ch’è vo magnarete ùn hè ancu maturu. Mà ùn vi ne fate, vi cantaremu un oratoriu. È i mandarini i vi [… leghja di più]
Ziu Martinu andava in San Brancaziu (1) à vende u sumere. Cum’ellu avìa pocu laziu – parlu di u sumere – u Babbu è u figliulinu u purtàvanu un pocu par omu annant’à u spinu… – Quessa hè bella, disse unu in la stretta… Soca u purtate à e corse [… leghja di più]
Durmendu, ninsun’frombu vi tribula, cum’è quellu di a mosca chì bula. Era l’avisu di Lione, tribulatu da un muscone… – Dìu sà duva ti sarè sposta, è veni à allisingà à mè… a fai apposta ? Scappa prestu è vai à spassu. – O Liò… di i to cunsiglii, mi ne [… leghja di più]
U Cungressu di i topi si tinìa una sera in sulaghjolu di Camellu, chì pò dì s’ella hè vera. Era u Statu Magior di i topi in riunione in traccia d’arristà l’uperazione chì pudìa sbarrazzà à u più prestu a casa d’un certu Gattu chì avìa u bisestu : i stirpava. [… leghja di più]
L’imperator’di i gatti, u Rè, u Duce, cù un bellu pelu rossu ben’sicuru pien’di puce, avìa pigliatu in affittu un sulaghjolu, un Stadium, un Coliseum, di topi veru tupaghjolu. I primi ghjorni, i topi s’avvicinàvanu da u gattone, li bastava à pòrie (2) a patta par fà cullazzione. Si sò [… leghja di più]
Dui culombi si tenìanu cù un’amicizia rara in la stessa culumbara… Unu disse : – Hè cusì stretta a nostra càbbia, ùn vi stunate, amicu ch’e abbia voglia d’andà à scopre quachì paese scunnisciutu. Pochi ne cunnoscu ùn issendu mai isciutu… da stu tafone, vera prighjone. – Amicu, mi lasciate solu [… leghja di più]
Un tuparellu, scappatu da u so tafone, era partutu in ispidizione, un pìcculu tornu in lu cuntornu… À u ritornu, à la Mamma inchieta ben intesu, fece stu contu resu : – Avìu appena francu e lìmite d’issu chjosu, aghju scuntratu un mostru stranu, piumacciutu, urgugliosu. Orrende, sprizzante, arrugante, piriculosu… [… leghja di più]
Un pìcculu agnellu era andatu à beie un buccellu in lu fiumicellu di u Prunellu… Affacca un lupacciu ussicutu falatu da quelle cume : – O Caprò… sè tù ch’ai lampatu u mercurochrome in lu fiume ? – O Sgiò Lupu… serà Richaud (1). Eiu ùn sò capace d’issu fattu. Eppò, ùn [… leghja di più]